أنا راضى الحمد لله
لكن جوايا ألف
آه
فيا الوجع أوجاع
ومش قادر أقول وداع
عمره ما ليا باع
ومفرحتش إلا معاه
تعبها الصبح فى
صحيانى
ووقوفها بس عشانى
أزعلها وتترجانى
وتقولى أنت اللى
أتمناه
فى يوم تعبت عادى
قلبى اتخض المرة دى
والدوا بقى عالفاضى
وقالت مش وخداه
راحت من إيديا
وهى الدنيا ليا
فداك نفسى وعنيا
من غيرها قلبى أنا
تاه
كان نفسها بس
تشوفنى
عشان على راسى
تبوسنى
وتقول حبيبي أنا
آسفه
عيونها تقول بدموع
حضنك بقى ممنوع
سابت قلبى موجوع
طب حبك فين ألقاه
عليت ليه الأصوات
واتلخبطت الخطوات
واللى رايح راجع
والراجع مجروح جواه
كان نفسى أبوس
عنيها
أو حتى ألمس إيديها
روحى وقلبى أهديها
مبقتش خلاص ويااه
وراضى الحمد لله
