حبيبتى بتتجلع

 هَعْ هَعْ هَعْ

حبِيبتى بتتْجَلَّع

بتقُولِّى اتجوزْنِى .. دَه أنا قلبى مَولع

ولو يوم بَصيت لِغيرى .. للدنيا هتودَّع

كلامها فى وِدَانى .. وصورتها مِخوفانِى

شايفْها ماسكة زَقلة .. وقالت لى هَجيلك تَانى

وفَكِر زِين فى كَلامى .. قَبل مَا تِتِوجَّع

هَعْ هَعْ هَعْ حبيبتى بتتجلع

وفى يوم واقف فى الدُرة و جَاتت علىَّ من وَرا

وضربتنى على دماغى .. مَعْرِفش ايه اللِّى جرَى

الناس بعدين حكتلى.. أتاريها ههههه  مَسْخَرَة

على بيتهم سحبتنى وقالت .. أَهُو فى الدَّرَا

مدام مش حبيبتك.. يبقى هتتقطَع

هعْ هعْ هعْ حبيبتى بتتجلَع

قالت هتدينى درس .. وتخلعلى بدل السِّنة ضِرس

يا حبيبتى ده مش حب , ده اسمه نَحس

وكده هتفقرينى .. وعمرى بيك ما هَحِس

يعنى اللى نصيبى من الدنيا يطلع بعْ بعْ

هعْ هعْ هعْ حبيبتى بتتجلع

يا حبيبتى أنا اتهَديت .. بسببك للموت اتمّنِيت

سبينى لحالى وأحوالى .. وحملى على الله رَميت

 يمكن يوم أتقدملك.. وتقولى ياريتك ما جِيت

علشان فى بيتكم .. أولع والله أولعْ

هعْ هعْ هعْ حبيبتى بتتجلع

حكايتنا بقت قِصة.. وطالعة بشعرك وقُصة

يقطعك يا شيخة .. عليك حتة بَصة

تفزع الشُجعان وتخلى الواحد يبلبع

هعْ هعْ هعْ حبيبتى بتتجلع

قلتلها شايفة الدنيا.. قالت شايفاها حاجة تانية

قلت لها ناوية على إِيه .. قالت دُونت أَفريد

أنا مسافرة موريتانيا.. حب غيرى براحتك

لكن مسيرى هأرجع .. وهعْ هعْ هعْ

يا أطيب طيبين

 

 

أنا قاعد وياكم وقلبى مش معاكم

قلبى مع ناس تانيين ..

يا أهل المحبة , ما تيجو حبة حبة

نفتكرو الغاليـــين ..

وشقاوة حارتنا  , و بيتهم جنب بيتنا

ويااااه وجــــع السنين ..

ناس بنشوفـها مَرة ومن غيرها حياتنا مُرة

ونشيلهم فى العنين ..

 وناس عايشة ويانا

 وربك ساترها معانا

لنبقى قَتــــــّـــــالين ..

تعجبنى صراحتكم  .. 

ويّانا و أنتو براحتكم

قولوا وإحنا راضيين ..

أيوة ليكم حق علينا 

ومعلش استحملونا

لو فينا عيب أو عيبين ..

ياما سامحتونا ياما

 وفى قلبنا ليكم علامة

و عليــــكم ندمــــانين ..

القساوة لحد غيركم  

و الغدر  ما يجى منكم

يا أطيب طيبين ..
سلامكم لساه فى إيدينا 

يا غالين علينا 
 وقعدتكم ويانا  

أَيُووُ مشتاقين ..
مين ينساكم مين

 لو حتى جالنا مين 
ومهما تفوت السنين

 تلقونا مستنين ..
مش عايشين من غيركم  ويسترنا اللى ساتركم 
 عاوزين منكم دعوتين ..

مــاتت فى نظـــــرى

لمَ كانت هى قَدَرِى ؟

لمْ تَكُنْ على قَدْرِى..

كَلَّمتُها العَربيةَ كَلمتنى بالعِبرِي

سَامحتُ تَقصيرَها لم تقبلْ لى عُذرِى

لامَستُ سَمَا عَيْنَيْهَا عَمَلَت عَلى أَسْرِى

أَنَرتُ ظُلمتَها أطفَأت لى بَدْرِى

فَصِرتُ أُرَاِفِقُهَا وأُوَافِقُهَا

وصَارت بِلا حَرجٍ من الغَجَرِ

تَأمَّلتُ صُورَتهَا مَزَّقَت هى صُوَرِى

كنتُ لها الشبابُ كانت هى قبرِى

شكَوتُها فى نَفسِى أَذَاعَت لى سرِى

فَدَيتُها بحياتى وقَد ضيّعَت لى عُمرِى

رَفَضتُ نِــدَا غَيرِهَا .. فَضَّلت عَنّى غَيرِى

رَسَمتُ حُسنَها فى قلبى زَادَت هى فقرِى

ظَلَمَتنى وقَهَرَتنى وأَصَرَّت على كسرِى

فقلتُ لهَا لمَ للغَريبِ تَتَبسَّمين

وأنا أَحيَا مَعكِ مُنتَظرًا للفجرِ ؟!

أحقا ؟ حرامٌ علىَّ ..  حلالٌ لكُلِ طَيرِ؟

سَأرحلُ بعيدًا مُتمنيًا لكِ بالخيرِ

ومازلتُ عَاشِقُهَا وإِنْ مَاتت فى نَظرِى

دَمْعُ العَيْنِ يُسْكَبُ

 

 

الحمدُ لله والشكرُ واجبُ

عَفو اللهِ قريبٌ و

النارُ للعَاصِى أَقرَبُ

ياربِ إِنِّى أَعُوذُ بِك منْك

وأَعوذُ برِضَاك أنْ تغْضَبُ

فرحمَتك وعفوَكَ يا كريمُ

 فليْس مِنْ أَخذِك مَهرَبُ

أَملى فى رُحماك كبيرُ

و " سُبحان اللهُ".. بها نتأدبُ

إِنْ عَفَوت عنَّى فهذا فضلُ

وزِدْنى فَضَلًا أَنْ إِليك أُقرَّبُ

وصُنْ يا إِلَهى نَفسِى عنْ الهوَى

فَــكَمْ مِنْ مَرَةٍ بالذَّنْبِ أُطرَبُ

وإِنْ أندَمْ و أعضُ أَنَامِلى

بغيرِ عَفوك فَأنا ضائعٌ متعبُ

فلَا تحُولْ بيَنِى وبَيْنَ رِضَاك

فالعيْنُ تَدمَعُ 

ودَمعُ العَيْنِ يُسكَبُ

والدُنيَا ومَا بِها مِنْ سَعادةٍ

مِنْ غَيرِ عَفوِك تخرَبُ

لا تَحرِمْنا عَطاءَك يا كريمُ

والقلبُ على بَابِ عَفوِك ضَارِبُ

أَسرفتُ على نَفسى بالذُنوبِ

والذنبُ للقلبِ مُفسدٌ ومُعطبُ

مَنْ لَنا سِواك وإيِّاك نعــــــبدُ

إنك تحب العفوَ 

والعفُو لنا مَطلَبُ

اللَّهمَ اهْدِنا بهَدْيِك تَوْبَةً

لا نَشْقَى بَعدَهَا أَبدًا ولا نَتعَبُ

وتَقبلْنَا فى الصَّالحين بعفْوِك

       فَأَنتْ تَعْلَمُ أَنَّ القَلبَ مُؤدَّبُ