أخبار مصر إيه عندك .. خربانه؟

شكرا للرسام

لا إن شاء الله عمار ... بالطيبين من أهلى وأهلك، بالناس الزينة اللى بتشقى بالحلال على ولادها... بصلاة الفجر فالجامع ، بيد مسلم ومسيحى... ،، بحفظ الله..

- ياه ياعم الشيخ وحشتنى أشعارك... ههههههه..

مش أشعار... وحياتك أزمة وهتعدى وأسأل كل اللى فاتونا كان فى أسوأ ... بس بنعمة ربنا وباللى ربونا مشوفناش .. وجه علينا الدور نشوف .. نصمد ولا نترعش ونخاف ويقول ولادنا علينا ما وقفناش ما صمدناش وكل اللى تجيله تأشيرة يسافر ويبيعها ميستناش ..

- بس ياعم ده كان سؤال كدة ..

لا والله مبردش عليك أنت... أنا بكلم الراجل اللى جوايا ... عايز هو كمان يمشى ويفوتها وميسألهاش .. رضيت ولا مرضيتش مافرقاش .. وليها مين غيرنا .. ولادها ونخدمها و تحت رجليها ..  نموت ببلاش  وزى ما قال صاحبنا" بهاء" : اللى مسكتنى واللى مصبرنى إن لها آخر ونقف بين أيدين رب العباد ... واطمن يا صاحبى الفجر قرب بشمس عالية تحن علينا وتطبطب ..  وأكيد اللى خلقنا مانسيناش 

وتأتى البقية بإذن الله ... محمود الحسيس