طبطبوا علينا وبوسونا . . .

شكرا للرسام

بدل ما تصبرونا بتكتفونا بحجر وبترمونا ...

لو غرقنا خلاص غرقت بلادنا ياريت تفهمونا

منكم اللى قالوا : الحق يا باشا المدرسين نهبونا ....

خدوا فلوسنا وفلوس أبونا واللى خلفونا

يا ناس اختشوا عيب والله هتجننونا ....

سيبتم الفساد والمفسدين والسرطان والمسرطنين ...

والحرامى التقيل .. وماسكين الأصيل .. بجـد  ارحمونا

طب الوزير عمره ما مسك طباشير ولا قال : صدعتونا

ولا عمره حسّ بمدرس زمايله فى مصيبة بيجمــعونا

ولا كان فى شهر يستنى المكافأة ياللى عايزين تحرمـونا

تعليم إيه بقى دا الواحد على نفسه عاصر لمونــــــــة

الصحة والتعليم ياللى بتصرفلنا ملاليم وكمان بتهنونا

نفسى بعد الشغل شاى العصارى وسط ولادى فى البلكونة

وضحكة حلوة وزيارة قرايب نسيـــونا

أو أروح فرح أو عزا ونوجّب مع اللى وجّبـــونا

ونقول اشمعنا فلان يقولك أنت صاحب رسالــة ...

طب يارجاااااااااالة احضــــــــــــــــــــــرونا

هو أنا مش صاحب عيال والأسعار مجنونة ....

أنا راكب الهوا وغاسل الميــــه ماهى أحلام   و بتوعدونا ...

 بجد لازم حد للمهزلة أو طبطبوا علينا وبوســـــونا ....

                                                                                                                                                  وتأتى البقية إن شاء الله  ..    الحسيس